ശ്രീജിത്ത് എന്റെ ഫേസ്ബുക്ക് സുഹൃത് എന്നതിലുപരി സഹോദരതുല്യന്‍ ആണ് , ഒരു യുവസംരംഭാകന്‍..,. പഠിച്ചു കഴിഞ്ഞ് പല ജോബ്‌ ഓഫറുകളും വേണ്ടെന്നു വച്ച് സ്വന്തം സ്ഥാപനം കെട്ടിപടുത്തയാള്‍....,. ഒരുപാടു വിഷയങ്ങള്‍ പങ്കുവെയ്ക്കാറുണ്ട് . ഏറെനാള്‍ കൂടി കാണാന്‍ സാധിച്ചു.
ചൂടോടെ രണ്ടു സിപ്‌ കോഫി എടുത്ത് ശ്രീജിത്ത് പറഞ്ഞു. "ഞാന്‍ സ്റ്റാര്‍ട്ട്‌ അപ്പ്‌ തുടങ്ങിയ കാലത്തൊക്കെ സുഹൃത്തുക്കളെയും ജൂനിയേര്സിനെയും ഒക്കെ എപ്പോ കണ്ടാലും സ്വന്തമായി വല്ലതും തുടങ്ങാനും വലിയ സ്വപ്‌നങ്ങള്‍ സാധിചെടുക്കാനും ഉപദേശിക്കുമായിരുന്നു. ഇന്ന് ആരോടും അങ്ങനെ ഞാന്‍ പറയില്ല."
ചൂടോടെ രണ്ടു സിപ്‌ കോഫി എടുത്ത് ശ്രീജിത്ത് പറഞ്ഞു. "ഞാന്‍ സ്റ്റാര്‍ട്ട്‌ അപ്പ്‌ തുടങ്ങിയ കാലത്തൊക്കെ സുഹൃത്തുക്കളെയും ജൂനിയേര്സിനെയും ഒക്കെ എപ്പോ കണ്ടാലും സ്വന്തമായി വല്ലതും തുടങ്ങാനും വലിയ സ്വപ്‌നങ്ങള്‍ സാധിചെടുക്കാനും ഉപദേശിക്കുമായിരുന്നു. ഇന്ന് ആരോടും അങ്ങനെ ഞാന്‍ പറയില്ല."
എപ്പോഴും കാര്യങ്ങളെ വളരെ പോസിറ്റീവ് ആയി മാത്രം നോക്കിക്കണ്ടിട്ടുള്ള ശ്രീജിത്തില്‍ നിന്ന് ഇത് അപ്രതീക്ഷിതം ആയിരുന്നു.
"നിങ്ങളുടെ ബിസിനസ്സ് സാമാന്യം നല്ല രീതിയില്‍ മുന്നോട്ടു പോവുന്നുണ്ട്. വിജയിച്ചു കൊണ്ടിരിക്കുന്ന ഒരു സംരംഭകന്‍, പിന്നെന്താ ?"
ആകാംക്ഷയോടെ ഞാന്‍ തിരക്കി.
"കോളേജില്‍ പഠിക്കുന്ന കാലത്ത് തന്നെ മോട്ടിവേഷന്‍ ക്ലാസ്സുകളും പുസ്തകങ്ങളും ഒന്നും ഞാന്‍ പാഴാക്കാറില്ലായിരുന്നു. എന്റെ സ്വപ്‌നങ്ങള്‍ യഥാര്ത്യമാക്കാന്‍ സ്വന്തം സംരംഭം എന്ന ആശയം മനസ്സില്‍ ഊട്ടി ഉറപ്പിച്ചു വച്ചിരുന്നു. പരിമിതമായ മൂലധനം കൊണ്ടുതന്നെ നല്ല രീതിയില്‍ തുടക്കം കുറിക്കുകയും ചെയ്തു.
ഇപ്പോള്‍ ബിസ്സിനസ്സ്‌ അത്യാവശ്യം നല്ല രീതിയില്‍ മുന്നോട്ടു പോവുന്നുണ്ട്. നമ്മളൊക്കെ വായിച്ചും കേട്ടും വളര്‍ന്ന കൊച്ചൌസേഫ് ചിറ്റിലപ്പള്ളി മുതല്‍ അംബാനിയുടെ കഥ വരെ പരാജയങ്ങളില്‍ നിന്ന് നെയ്തെടുത്ത വിജയങ്ങളുടെ ആണ്. തുടക്കത്തില്‍ ഇവരൊക്കെ ഒരുപാടു കഷ്ടപ്പെട്ടിടുണ്ട്. പക്ഷെ ഈ രണ്ടു വാചകങ്ങളില്‍ നമ്മള്‍ ഒതുക്കിയ കഷ്ടപാട് ശരിക്കും എന്താണെന്ന്‍ അനുഭവിച്ചാല്‍ മാത്രമേ അറിയു.
ആദ്യത്തെ രണ്ടു മൂന്നു മാസങ്ങള്‍ വലിയ പ്രയാസങ്ങള്‍ ഉണ്ടായിരുന്നില്ല. പല പ്രവര്‍ത്തനങ്ങള്‍ക്കും കണക്ക് കൂട്ടിയതിനെക്കാള്‍ കൂടുതല്‍ പണവും സമയവും ചിലവായെങ്കിലും അതൊന്നും ബാധിച്ചില്ല. പക്ഷെ പിന്നീടങ്ങോട്ട് മുന്നോട്ടു പോവാന്‍ കൂട്ടിയ കണക്കുകള്‍ ഒന്നും മതിയാവാതെ വന്നു. വിചാരിച്ച പോലെ അത്ര എളുപ്പം ആയിരുന്നില്ല ഓരോ ചുവടുകളും. 'I am my own boss' എന്നതായിരുന്നു പണ്ടു മുതലേ എന്നിലെ സംരംഭകന്‍റെ ആപ്തവാക്യം. ചുരുങ്ങിയ കാലം കൊണ്ട് തന്നെ അതിന്റെ പൊള്ളത്തരം ബോധ്യപെട്ടു.
ഒരു തൊഴിലാളിക്ക് അവന്റെ ഒരു മുതലാളിയെ മാത്രം അനുസരിച്ചാല്‍ മതി, പക്ഷെ മുതലാളിയുടെ സ്ഥിതി അതല്ല. തൊഴിലാളികള്‍ , ഉപഭോക്താക്കള്‍, ഡീലര്‍മാര്‍ തുടങ്ങി സകലരെയും തൃപ്തികരമായ രീതിയില്‍ കൈകാര്യം ചെയ്യണം. ആരെയും പിണക്കാന്‍ വയ്യ. ഇല്ലെങ്കില്‍ കാര്യം നടക്കില്ല. ഹ്യൂമന്‍ റിസോഴ്സിന്റെ ആദ്യ പാഠങ്ങള്‍ തുടങ്ങുന്നത് അവിടെ നിന്നായിരുന്നു. നമുക്ക് നമ്മളായിരിക്കാന്‍ പറ്റാത്ത അവസ്ഥ ! നമ്മുടെ വികാരങ്ങള്‍ക്കും ആവേശത്തിനും ഒന്നും കാര്യം നേടിത്തരാന്‍ പറ്റിയെന്നു വരില്ല. വിവേകവും ക്ഷമയും കൈമോശം വന്നാല്‍ സംഗതി ട്ടിം !
ടീം ലീഡ്‌ ചെയ്യുന്നയാള്‍ ശരിക്കും ഒരു ആള്‍റൗണ്ടര്‍ ആവണം. നമ്മുടെ ആശയം യഥാര്ത്യമാവുന്ന പാതയിലെ എല്ലാ മേഖലകളെകുറിച്ചും അഗാധമായ അറിവില്ലെങ്കിലും മിനിമം ധാരണ നിര്‍ബന്ധം. കൂടുതല്‍ പെര്ഫക്ഷന്‍ നേടിയെടുക്കാനുള്ള ശ്രമങ്ങള്‍ നിരന്തരം ഉണ്ടാവണം.
പ്രതിസന്ധിയുടെ പല ഘട്ടങ്ങളിലും തോറ്റു പോവുമോ എന്ന ഭയം ഉണ്ടായിരുന്നു. ചിലപ്പോഴെങ്കിലും ഒന്നും വേണ്ടായിരുന്നു എന്ന് തോന്നി. ഇന്നതൊക്കെ ഓര്‍ക്കുമ്പോള്‍ ശരിക്കും അദ്ഭുതം തോന്നും. സ്വയം പൊക്കി പറയുകയല്ല കേട്ടോ, അസാമാന്യമായ ധീരത വേണം യഥാര്‍ത്ഥ വെല്ലുവിളികളെ നേരിടാന്‍..,.
അറിവും ആത്മവിശ്വാസവും ശക്തമായ പ്ലാനിങ്ങും മാനേജ്‌മെന്റ്‌ പാടവവും ഉണ്ടെങ്കിലെ / ഉണ്ടാക്കിയെങ്കിലെ സംരംഭം വിജയകരമായി മുന്നോട്ടു കൊണ്ട് പോവാന്‍ ആവു. "
കുടിയ്ക്കാന്‍ മറന്നു പോയ കപ്പിലെ കോഫി എന്നെ നോക്കി ആറി നിലവിളിച്ചു.
സമാനമായ പല ഘട്ടങ്ങളിലൂടെയും കടന്നു പോയിട്ടുള്ളത് കൊണ്ട് ശ്രീജിത്തിനെ എളുപ്പം വായിച്ചെടുക്കാന്‍ സാധിക്കുന്നുണ്ടായിരുന്നു. ആശയവും നിക്ഷേപവും മാത്രം ഉണ്ടെങ്കില്‍ ഒരു സംരംഭം ഉണ്ടാവുമായിരിക്കും, പക്ഷെ വിജയിക്കണം എന്നില്ല.
വീണ്ടും ഒരു ചാണക്യനീതി മനസ്സില്‍ ഓടിയെത്തി.
"ഉദ്യമം സാഹസം ശക്തി ബുദ്ധി ധൈര്യ പരാക്രമൌ , ദൈവം തത്ര പ്രകാശയേത് : "
ഇതെല്ലം കൂടെ സമ്മേളിചാലേ വിജയം ഉണ്ടാവു എന്ന് ചുരുക്കം.
എല്ലാം പഠിച്ചതിനു ശേഷം മാത്രം വല്ലതും തുടങ്ങണം എന്നല്ല, പഠനവും പരിശ്രമവും നിരന്തരമായിരിക്കണം എന്ന് മാത്രം. വലിയ ഉത്തരവാദിത്വങ്ങളും പ്രാരാബ്ധങ്ങളും ഒന്നുമില്ലാത്ത ആഘോഷങ്ങളുടെയും ഉല്ലാസങ്ങളുടെയും കോളേജ്‌ ജീവിതത്തിനു ശേഷം, സംരംഭക ജീവിതത്തിലേക്ക് വരുന്ന യുവത്വങ്ങള്‍ക്ക് കഠിന സാഹചര്യങ്ങളെ എത്ര കണ്ടു ഫലപ്രദമായി നേരിടാന്‍ കഴിയും എന്നതിനെ ആശ്രയിച്ചിരിക്കും സ്റ്റാര്‍ട്ട്‌-- -അപ്പ്‌ സംഗതികളുടെയും ഇന്നൊവേഷന്‍ സോണുകളുടെയും ഒക്കെ വിജയം.
-----------------------------------------------------------------------------------------------------------------------
നല്ല ആശയങ്ങള്‍ ആണെങ്കില്‍ നിക്ഷേപകര്‍ ഉണ്ടാവും സഹായിക്കാന്‍.,. പക്ഷെ സംരംഭകര്‍ ചില മറുവശങ്ങള്‍ തീര്‍ച്ചയായും അറിഞ്ഞിരിക്കണം. ഇവിടെ വായിക്കു.
No comments:
Post a Comment