കേള്‍വിക്കും
വായനയ്ക്കും എത്താവുന്നതിലും ഏറെ ആഴത്തില്‍ കാഴ്ചകള്‍ക്ക് സഞ്ചരിക്കാനാവും. സിനിമയെന്ന
മാധ്യമം ഇത്രമേല്‍ ശക്തമായതിന്റെ കാരണവും മറ്റൊന്നല്ലല്ലോ.
ചിലപ്പോള്‍ കഥാപാത്രങ്ങള്‍ അമനുഷികരാവാം, കഥ
സാങ്കല്‍പ്പികം ആവാം. പക്ഷെ അത് നമ്മളില്‍ ഉദ്ധീപിപിക്കുന്ന ചിന്തകളും നല്‍കുന്ന
പാഠങ്ങളും വലുതായിരിക്കും.
300 വ്യക്തികള്‍ വലിയൊരു കൂട്ടം തന്നെ, പക്ഷെ
അത് ലക്ഷം പേരുടെ മുന്‍പില്‍ ചെറിയൊരു സംഘം മാത്രമാണ്. ഗ്രീക്ക് പോരാളികള്‍ അയ 300
സ്പാര്‍ട്ടന്‍സ്
ഒരു ലക്ഷത്തിലധികം വരുന്ന പേര്‍ഷ്യന്‍ പടയെ നേരിട്ട കഥ പറയുന്ന '300
Spartans' കാണാത്തവര്‍ അധികമുണ്ടാവില്ല.
ഇന്നും എപ്പോഴെങ്കിലും പ്രതിസന്ധികളും
പരാജയഭീതികളും ഉണ്ടാവുമ്പോള്‍ സ്പാര്‍ട്ടന്‍ കിംഗ്‌ ലെനിടാസ്‌ അവസാന യുദ്ധത്തിനു
മുന്‍പ് തന്റെ സംഘാംഗങ്ങളുമായി നടത്തുന്ന സംഭാഷണങ്ങള്‍ ഓര്‍മിക്കും. ഈ വീഡിയോ എത്ര
തവണ കണ്ടെന്നെനിക്കറിയില്ല.
സംരംഭക – വ്യക്തി ജീവിതത്തില്‍ ഈ സിനിമ നല്‍കിയ
ചില പാഠങ്ങള്‍..
1. എണ്ണത്തേക്കാള്‍ പ്രാധാന്യം മികവിന് തന്നെ.
ടീമില്‍ ഉള്ളത് ഒരു കൈപ്പിടിയില്‍ ഒതുങ്ങുന്ന
ആളുകള്‍ ആയിക്കോട്ടെ, പക്ഷെ പരിശീലനവും കഴിവും മികവും ഉള്ളവരെങ്കില്‍ വിജയം തീര്‍ച്ച.
എണ്ണം തികയ്ക്കാന്‍ എത്രയുണ്ടായിട്ടെന്തു കാര്യം !
2. പ്രവര്‍ത്തിക്കാന്‍ ഏറ്റവും നല്ല ചുറ്റുപാട് കണ്ടെത്തുക, മുന്‍കരുതലുകള്‍ സ്വീകരികുക.
പേര്‍ഷ്യന്‍ സൈന്യം ഗ്രീക്കിലേക്ക് കടക്കാന്‍
ഉപയോഗിക്കുന്ന ഏറ്റവും ഇടുങ്ങിയ തെര്മോപ്ലിയന്‍ താഴ്വാരയിലേക്ക് പോരാളികളുമായി
കിംഗ്‌ ലെനിടാസ്‌ പോകുന്നത് ഗ്രീസില്‍ പതിനായിരം പോരാളികളെ തയ്യാറാക്കി നിര്‍ത്തിയാണ്.
തങ്ങളെ മറികടന്നോ സന്ധിക്കാതെയോ പേര്‍ഷ്യന്‍ സൈന്യം അതിര്‍ത്തി കടന്നാല്‍ നേരിടാന്‍...,. ആക്രമണമാണ് ഏറ്റവും നല്ല പ്രതിരോധം എന്ന പാഠവും ഇത് നല്‍കുന്നു.
3. എന്നും തയ്യാറായിരിക്കുക – വെല്ലുവിളികള്‍
വരുന്നത് കത്തയച്ചിട്ടല്ല.
ഏതു നിമിഷവും യുദ്ധക്കളത്തിലേക്ക് ഒരു മടിയും
കൂടാതെ പാഞ്ഞു ചെല്ലാന്‍ മാത്രം സുസജ്ജമയിരുന്നു സ്പാര്‍ട്ടന്‍ സംഘം. അറിവുകള്‍ കൂട്ടിക്കൊണ്ടിരിക്കുക,
കഴിവുകള്‍ക്ക് എന്നും മൂര്‍ച്ച കൊടുക്കുക. സദാ തയ്യാറായിരിക്കുക.
4. പിന്തിരിയുക, തോറ്റുകൊടുക്കുക – ഇവ രണ്ടും ഓര്‍മയില്‍ ഉണ്ടാവാതിരിക്കട്ടെ.
കാരണം, ഇവ രണ്ടും നിങ്ങളുടെ ഇന്നുവരെയുള്ള
വിജയങ്ങളെ നിഷ്പ്രഭാമാക്കുന്നു. തോല്‍വികള്‍ നേരിടേണ്ടി വന്നേക്കാം, പക്ഷെ അത്
തോറ്റുകൊടുത്തുകൊണ്ടാവരുത്. അവസാന നിമിഷം മരണത്തിന് കീഴടങ്ങുന്ന കിംഗ്‌ ലെനിടാസ്‌
ശേഷിക്കുന്ന തന്റെ സൈന്യത്തിന് ബാക്കി വച്ചത് ഊര്‍ജ്ജവും പ്രചോദനവുമായിരുന്നു. എന്നും
സൈന്യത്തെ മുന്നില്‍ നിന്നും മാത്രം നയിച്ചവന്‍.,.
5. വിശ്വസ്തരുടെ ഒരു ചെറിയ വലയം.
അതെ, വലിയൊരു സൗഹൃദവലയത്തേക്കാള്‍ ആപത്തില്‍
തുണയാകുന്നത് ഏറ്റവും വിശ്വസ്തരായ ഒരു ചെറിയ വലയമായിരിക്കും. ആസൂത്രണം
ചെയ്യുമ്പോളും തീരുമാനങ്ങള്‍ എടുക്കുമ്പോഴും പത്നിയോടും വിശ്വസ്തരോടും ചര്‍ച്ച
ചെയ്യുന്ന കിംഗ്‌ ലെനിടാസ്‌ അതി സമര്‍ത്ഥമായി ദൗത്യങ്ങള്‍ അവര്‍ക്ക് വീതിച്ചു നല്‍കുന്നതിലും
വിജയിച്ചു.
എതിര്‍ചേരിയില്‍ നില്‍ക്കുന്നത് സാക്ഷാല്‍ ദൈവം
ആയിരിക്കട്ടെ, സ്വധര്‍മ്മത്തില്‍ നിന്ന് വ്യതിചലിക്കാതിരിക്കുക.
പലപ്പോഴും ദൈവതീരുമാനം, വിധി എന്നൊക്കെയായിരിക്കും
പരാജിതരുടെ നിരത്തല്‍വാദങ്ങള്‍,.. സ്പാര്‍ട്ടന്‍സ് നേരിടുന്നത് സ്വയം ദൈവം എന്ന് വിളിക്കുന്ന
പേര്‍ഷ്യന്‍ രാജാവിനേയാണ്. മുന്നില്‍ നില്‍ക്കുന്ന പരാജയങ്ങള്‍ക്ക് നമ്മള്‍ സ്വയം
നല്‍കുന്ന പട്ടങ്ങള്‍ ആണ് ദൈവതീരുമാനവും വിധിയുമൊക്കെ. ഇവ സംഭവിച്ചതിനു ശേഷം
സ്രിഷ്ടിക്കപെടുന്ന പേരുകള്‍ മാത്രം.
No comments:
Post a Comment